पुणे -मंहामदवाडी येथील रहेजा विस्टा परिसरात डंपरने दुचाकीला दिलेल्या भीषण अपघातात २० वर्षीय तरुणाचा मृत्यू झाला असून, त्याच्यासोबत असलेला दुसरा तरुण गंभीर जखमी झाला आहे.
ही घटना सोमवारी सायंकाळी ५ वाजेच्या सुमारास महादेव मंदिराजवळ घडली.हमजा इब्राहिम सरकार (वय २०) असे अपघातात मृत्यू झालेल्या तरुणाचे नाव असून, वसीम खान (वय २०) हा तरुण गंभीर जखमी झाला आहे. जखमी वसीमला उपचारासाठी तात्काळ रुग्णालयात दाखल करण्यात आले आहे.
- **घटना कशी घडली?**
- हमजा आणि वसीम हे दोघे दुचाकीवरून रहेजा विस्टा परिसरातून जात असताना, डंपरने त्यांच्या दुचाकीला जोरदार धडक दिली. धडकेनंतर दुचाकी थेट डंपरच्या मागील चाकाखाली गेल्याने हमजा गंभीर जखमी झाला आणि उपचारापूर्वीच त्याचा मृत्यू झाला.
- अपघातानंतर पोलिसांनी अपघातास कारणीभूत ठरलेला डंपर आणि डंपर चालक भागण्णा लक्ष्मण कटबू (वय ३४) याला ताब्यात घेतले आहे.
पुणेकरांच्या हक्काचे व्यासपीठ.
